ایران د ناقابلِ شکست هېواد په توګه د هر ډول فشار پر وړاندې درېږي: د ایران د بهرنیو چارو وزیر

تهران (نوې ژوند وېب نیوز) د ایران د بهرنیو چارو وزیر عباس عراقچي ویلي دي چې ایران یو ناقابلِ شکست هېواد دی او هېڅکله د فشار او ګواښونو پر وړاندې سر نه ټیټوي، هغه د بریکس غونډې ته په وینا کې وویل چې پر ایران د بریدونو غندنه باید په څرګندو ټکو وشي او ایران د احترام په ژبه ځواب ورکوي، هغه زیاته کړه چې د فشار پر مهال ایران لا زیات متحد کېږي او د هغه وسله وال ځواکونه د هر ډول تېري ته سخت ځواب ورکولو لپاره چمتو دي، عراقچي وویل چې ایران د سفارتکارۍ ملاتړ کوي خو د ملي حاکمیت پر ضد هر اقدام نه شي زغملی، او ټینګار یې وکړ چې نړیوال ادارې باید د سیاسي موخو لپاره ونه کارول شي او د هرمز تنګي به د تجارتي کښتیو لپاره د ایران له بحري ځواکونو سره د همغږۍ په صورت کې پرانستې پاتې وي.