اوستا محمد کې د کورني شخړې له امله قتل

د بلوچستان په اوستا محمد ښار کې د کورني شخړې له امله یوه ښځه د خپل خاوند له خوا په ډزو وژل شوې ده، چې له پېښې وروسته ملزم له سیمې تښتېدلی دی.د سټي پولیس تاڼې په وینا، دا پېښه د بلېدي بای پاس بلوچستان شادي هال ته څېرمه هغه وخت رامنځته شوه کله چې ضمیر حسین بلېدي د کورني اختلافاتو پر سر پر خپلې مېرمن صوفیه ډزې وکړې، چې هغه ځای پر ځای ووژل شوه.پولیس وایي، د پېښې خبر تر لاسه کېدو وروسته د سټي پولیسو ځواکونه سمدستي د پېښې ځای ته ورسېدل او د وژل شوې ښځې مړی یې په خپل ولکه کې واخیست. وروسته جسد د پوسټ مارټم لپاره تحصیل روغتون ته ولېږدول شو.د پولیسو په وینا، پېښه د کورني تاوتریخوالي له امله رامنځته شوې او د ملزم د نیولو لپاره ځانګړې هڅې روانې دي، خو تر اوسه پورې هغه نه دی نیول شوی.