پټرول ۳۵ پیسې ارزانه او ډیزل ۵ روپۍ ۷۱ پیسې ګران شو، نوی نرخونه اعلان شول

کوټه (ویب نیوز): حکومت د پټرولیم توکو نوي نرخونه اعلان کړل، چې له مخې یې د پټرولو بیه په هر لیټر کې ۳۵ پیسې راکمه او د های سپیډ ډیزلو بیه ۵ روپۍ او ۷۱ پیسې لوړه شوې ده. د نوې اعلامیې له مخې، د پټرولو نوې بیه ۳۱۵ روپۍ او ۸۰ پیسې او د ډیزلو بیه ۳۶۰ روپۍ او ۶ پیسې په هر لیټر ټاکل شوې، چې د جولای له ۲۱مې نېټې څخه به نافذ وي. همدارنګه د خاورو تېلو بیه هم ۵ روپۍ او ۹۳ پیسې لوړه شوې او نوې بیه یې ۲۸۲ روپۍ او ۵۹ پیسې ټاکل شوې ده. د پټرولیم څانګې په وینا، دا نرخونه اوګرا ټاکلي او د نوي نظام له مخې به د سیمې د امنیتي او اقتصادي وضعیت په نظر کې نیولو سره د پټرولیم توکو بیې هره ورځ ارزول کېږي.