کوټه کې د پولیسو کارروایي؛ دوه شکمن کسان ټپیان نیول شوي

کوټه (ویب نیوز)د کوټې د کیټل فارم تاڼې په حدودو کې پولیسو د غلا په نیت د موجودو وسله والو شکمنو کسانو پر ضد کارروایي کړې، چې د ډزو له تبادلې وروسته یې دوه کسان په ټپي حالت کې نیولي، په داسې حال کې چې دوه نور کسان په تېښته بریالي شوي دي. پولیس وایي چې څلور واړه وسله وال کسان د ډکیتۍ په نیت موجود وو او د پولیسو ډلې په لیدلو سره یې ډزې پیل کړې، چې په ځوابي ډزو کې دوه کسان ټپیان شول او پولیسو ونیول. د تېښتېدلو دوو کسانو د نیولو لپاره د سیمې د لټون عملیات روان دي. د نیول شوو کسانو پېژندنه د کجلا خان عرف جاوید او ظهور احمد په نومونو شوې ده. د پولیسو په وینا، د نیول شوو کسانو له قبضې څخه دوه ټي ټي تومانچې او یوه موټرسایکل ترلاسه شوې ده. پولیس وایي چې نیول شوي کسان د ډکیتۍ، رهزنۍ او نورو جدي جرمونو په قضیو کې د جعفرآباد او سند پولیسو ته مطلوب وو.