د ترکي وسله والو ځواکونو د بریا د ورځې ۱۰۴مه کلیزه؛ په جي اېچ کیو کې مراسم

راولپنډۍ ( ورځپاڼه نوې ژوند) د ترکي وسله والو ځواکونو د بریا ورځې د ۱۰۴مې کلیزې په مناسبت د راولپنډۍ په عمومي قوماندانۍ کې ځانګړي مراسم ترسره شول، چې په پاکستان کې د ترکیې سفیر عرفان نظیراوغلو پکې د ځانګړي مېلمه په توګه ګډون وکړ. د پاکستان د پوځ د عامه اړیکو ادارې له مخې، په مراسمو کې د پاکستان او ترکیې ترمنځ د اوږدمهاله ورورولۍ او نږدې دوه اړخیزو اړیکو یادونه وشوه او د ترکي وسله والو ځواکونو زړورتیا، قربانیو او خدمتونو ته درناوی وړاندې شو. ګډونوالو د پاکستان او ترکیې ترمنځ د دفاعي او ستراتیژیکې همکارۍ د لا پیاوړتیا هوډ څرګند کړ. په مراسمو کې د پاکستان د پوځ افسرانو، د ترکیې سفارت چارواکو او نورو درنو مېلمنو ګډون کړی و او په پای کې د ترکیې ولس او وسله والو ځواکونو ته نېکې هیلې وړاندې شوې.