نوکچاه کې د ریکوډک پروژې پر کاروان برید، ۱۱ بریدګر ووژل شول، ۲ امنیتي سرتېري ټپیان

کوټه (ورځپاڼه نوې ژوند) د چاغي ولسوالۍ په نوکچاه سیمه کې د ریکوډک پروژې پر تشو موټرو د وسلوالو کسانو له برید وروسته امنیتي ځواکونو په ځوابي عملیاتو کې ۱۱ بریدګر وژلي او د ډزو په تبادله کې دوه امنیتي سرتېري ټپیان شوي دي. د سرچینو په وینا، تش موټرونه د امنیتي ځواکونو په ساتنه کې له چاغي څخه کوټې ته لېږدول کېدل چې په نوکچاه کې وسلوالو پر کاروان برید وکړ. امنیتي ځواکونو سمدستي سیمه کلابنده کړه او د سختې ډزو په پایله کې یې ۱۱ بریدګر ووژل. د عملیاتو پر مهال له بریدګرو څخه وسلې هم ترلاسه شوې دي او ټپیان امنیتي سرتېري د درملنې لپاره روغتون ته لېږدول شوي دي. له پېښې وروسته په سیمه کې امنیتي تدابیر سخت شوي او د نورو احتمالي بریدګرو او د هغوی د ملګرو د موندلو لپاره د لټون عملیات روان دي.