د زیارت کراس پېښې وروسته د ژغورنې پراخ عملیات

کوټه (وېب نیوز) په زیارت کراس کې د ترهګرۍ له پېښې وروسته د بلوچستان حکومت په لارښوونه د صوبايي ناورینونو ادارې، د کوټې میونسپل کارپورېشن او رېسکیو ۱۱۲۲ له لوري د ژغورنې عملیات ترسره شول. د وزیراعلیٰ میر سرفراز بګټي په لارښوونه سید امین ټوله شپه په سیمه کې پاتې شو او د مرستندویه فعالیتونو څارنه یې وکړه. ټپیانو او اغېزمنو کسانو ته طبي مرستې ورکړل شوې او خوندي ځایونو ته ولېږدول شول.