د پټرول او ډیزلو بیې یو ځل بیا لوړې شوې

کوټه (ویب نیوز) حکومت یو ځل بیا د پټرول او ډیزلو بیې لوړې کړې دي. د نوي خبرتیا له مخې د ډیزلو په بیه کې په هر لیټر ۲ روپۍ او ۲۸ پېسې، په داسې حال کې چې د پټرول په بیه کې ۲ روپۍ او ۸۴ پېسې زیاتوالی راغلی دی. له زیاتوالي وروسته د ډیزلو نوې بیه په هر لیټر ۳۷۴ روپۍ او ۳۱ پېسې او د پټرول نوې بیه ۳۴۹ روپۍ ټاکل شوې ده. د پټرول او ډیزلو نوې بیې به د ۲۰۲۶ کال د سپټمبر له ۴مې نېټې څخه عملي کېږي او د شپې له ۱۲ بجو وروسته به نافذې شي.