درېیمه ټېسټ لوبه: انګلستان پاکستان ته په ۸ ویکټو ماتې ورکړه، سیریز یې کلین سویپ کړ

کوټه (ویب نیوز) انګلستان د برمنګهم په درېیمه ټېسټ لوبه کې پاکستان ته په اتو ویکټو ماتې ورکړه او د درې لوبو سیریز یې ۳-۰ وګاټه. پاکستان انګلستان ته د ۱۳۰ منډو هدف ورکړی و، چې کوربه لوبډلې د دوو لوبغاړو په سوځېدو ترلاسه کړ. جو روټ ۶۲ او جورډن کاکس ۵۹ ناسوځېدلې منډې جوړې کړې، په داسې حال کې چې محمد عباس د انګلستان دواړه لومړني توپ وهونکي وسوځول. پاکستان په لومړۍ پاڼۍ کې ۱۳۳ او په دویمه پاڼۍ کې ۴۴۹ منډې جوړې کړې، خو انګلستان په لومړۍ پاڼۍ کې ۴۵۳ منډې کړې وې. ډینس لارنس د لوبې غوره لوبغاړی او محمد عباس او اولي رابنسن د سیریز غوره لوبغاړي وټاکل شول.