د پام تېلو د وارداتو لګښت ۳،۸۰ میلیارده ډالرو ته رسېدلی، د حکومت پلان چمتو

کوټه(ویب نیوز) د پاکستان د پام تېلو کلنی وارداتي لګښت ۳،۸۰ میلیارده ډالرو ته رسېدلی او د کمولو لپاره یې د خوړو خوندیتوب وزارت دوه پړاوه پلان جوړ کړی دی. د سند له مخې، د ۲۰۲۶م څخه تر ۲۰۳۱م پورې د لنډمهاله پلان له مخې د لمرګل، کینولا، ریپ سیډ، کنجد او سویابین د کورني تولید د زیاتولو وړاندیز شوی، چې له امله یې د ۳،۴۵ میلیارده ډالرو د وارداتي سپما او شاوخوا ۹۶۷ میلیارده پاکستانۍ روپیو د اقتصادي ګټو اټکل شوی دی. په دوهم پړاو کې د لس کلن اوږدمهاله پلان له مخې د کرنیزې ځمکې د زیاتولو او د لمرګل د تولید د ۲۰ لکه ټنو ته رسولو هدف ټاکل شوی، چې له مخې یې د ۷ میلیارده ډالرو څخه د زیاتو وارداتي بدیل ګټو او شاوخوا ۱،۹۶۵ میلیارده روپیو د اقتصادي فعالیت اټکل شوی دی. د ملي تېلو د تخمونو د پالیسۍ له مخې پر وارداتي خوراکي تېلو تر ۴۰ سلنې پورې د تنظیمي محصول لګولو وړاندیز هم تر غور لاندې دی.