د نتنیاهو الوتکې ته د فرانسې له فضايي حریم څخه د تېرېدو اجازه دوه ګونی معیار دی: ایمنسټي

نړیوال (ویب نیوز) ایمنسټي انټرنېشنل د اسرائیلو د لومړي وزیر بنیامین نتنیاهو الوتکې ته د فرانسې له فضايي حریم څخه د تېرېدو د اجازې له امله پر فرانس نیوکه کړې ده. دې نړیوال بشري حقونو سازمان ویلي چې له یوې خوا د فرانسې ولسمشر ایمانویل مکرون په ملګرو ملتونو کې د نړیوال قانون د رعایت خبره کوي، خو له بلې خوا د اسرائیلو د لومړي وزیر الوتکې ته یې د فرانسې له فضايي حریم څخه د تېرېدو اجازه ورکړې ده. ایمنسټي انټرنېشنل پوښتنه کړې چې که فرانس داسې یوه الوتکه د خپل فضايي حریم له لارې پرېږدي چې د غزې د جګړې په تړاو پرې د بشري حقونو جدي تورونه لګېدلي، نو د نړیوال قانون د رعایت په اړه د فرانسې پر دریځ به یې څه اغېز وي. دې سازمان په ټولنیزو رسنیو کې د غزې د وضعیت په اړه د فرانسې پر تګلارې او د ادعا شوې بې‌عملۍ په اړه هم پوښتنې راپورته کړې دي.