غلام مصطفیٰ بشیر د ایشین ګیمز په ۲۵ متره ریپډ فایر پسټول کې د پاکستان لپاره د برونزو مډال وګاټه

ناګویا (ویب نیوز) د پاکستان شوټر غلام مصطفیٰ بشیر د جاپان په ناګویا کې د ۲۰۲۶ ایشین ګیمز د ۲۵ متره ریپډ فایر پسټول په انفرادي سیالۍ کې د برونزو مډال وګاټه. هغه د اتو لوبغاړو په پایلوبه کې د ۲۲ هټونو په ترلاسه کولو سره درېیم مقام خپل کړ، د سویلي کوریا لي ګن‌هیواک د سرو زرو او د چین سو لیان بوفان د سپینو زرو مډال وګاټه. غلام مصطفیٰ بشیر درې ځله په اولمپیک کې د پاکستان استازیتوب کړی او په ۲۰۲۲ کال کې یې د ای‌اېس‌اېس‌اېف نړیوالې اتلولۍ په سیالۍ کې هم د برونزو مډال ګټلی و.