پاکستان د فیفا آسیان کپ په وروستۍ لوبه کې له ویتنام څخه ۴-۲ ماتې وخوړه

کوټه (ویب نیوز) پاکستان د فیفا آسیان کپ په وروستۍ ګروپي لوبه کې له ویتنام سره سخته سیالي وکړه، خو په پای کې یې ۴-۲ ماتې وخوړه او په دې ټورنمنټ کې یې خپله سیالي له یوه امتیاز سره پای ته ورسوله. په جاکارتا کې ترسره شوې لوبه کې پاکستان په لومړۍ نیمایي کې ښه لوبه وکړه او د محب الله د ۳۱مې دقیقې ګول له امله یې تر وقفې پورې یو-صفر برتري لرله، خو په دویمه نیمایي کې ویتنام په ۵۰مه او ۵۷مه دقیقه کې دوه ګولونه وکړل او وروسته یې په ۸۰مه دقیقه کې درېیم ګول وواهه. پاکستان په ۸۸مه دقیقه کې د کلیم الله خان د ګول له لارې د بېرته ستنېدو هیله پیدا کړه، خو ویتنام د لوبې په وروستیو شېبو کې څلورم ګول هم وکړ او لوبه یې ۴-۲ وګټله. پاکستان تر دې مخکې له تایلنډ څخه ۴-۰ ماتې خوړلې وه او له فیلیپین سره یې ۲-۲ مساوي کړې وه چې په دې توګه یې په ټورنمنټ کې یو امتیاز ترلاسه کړ.