د ایشین لوبو هاکي: پاکستان جنوبي کوریا ته ماتې ورکړه او د برونزو مډال یې وګاټه

کوټه (ویب نیوز) د ایشین لوبو د هاکي د برونزو مډال په سیالۍ کې پاکستان له غوره کم بیک وروسته جنوبي کوریا ته ۵-۳ ماتې ورکړه او د برونزو مډال یې وګاټه. د جاپان په کاواساکي جوکو لوبغالي کې په ترسره شوې سیالۍ کې جنوبي کوریا د لوبې په ۱۲مه دقیقه کې د لي ګېنګ سان د ګول له لارې مخکې شوه، خو عبدالرحمان په ۳۰مه دقیقه کې ګول وواهه او لوبه یې برابره کړه. په درېیم کوارټر کې پارک چیولین جنوبي کوریا ته بیا برتري ورکړه، خو غضنفر علي په ۴۵مه دقیقه کې ګول وواهه او پایله یې ۲-۲ کړه. په وروستي کوارټر کې پاکستان په زړه پورې لوبه وکړه؛ رانا وحید په ۵۲مه او ۵۴مه دقیقه کې پرله‌پسې دوه ګولونه ووهل او پاکستان یې ۴-۲ مخکې کړ، وروسته حنان شاهید د لوبې په وروستۍ دقیقه کې پنځم ګول وواهه او د پاکستان بریا یې یقیني کړه. د پاکستان لپاره رانا وحید دوه، عبدالرحمان، غضنفر علي او حنان شاهید یو، یو ګول وواهه.