دفاعي اتل پاکستان په هند کې د اوور ۵۰ کرکټ نړیوال جام له ګډون څخه د ډډې کولو پرېکړه وکړه

کوټه (وېب نیوز) دفاعي اتل پاکستان پرېکړه کړې چې په هند کې د ۲۰۲۷ کال د اوور ۵۰ کرکټ نړیوال جام کې ګډون ونه کړي. د ورځپاڼې جنګ د راپور له مخې، د پاکستان د وېټرنز کرکټ ټولنې مشر فواد اعجاز خان ویلي چې حکومت د ګډون اجازه نه ده ورکړې، له همدې امله به پاکستان په دې سیالیو کې برخه وانخلي. نوموړي زیاته کړې چې د پاکستان کرکټ بورډ مشر محسن نقوي هم دوی ته د حکومت د پرېکړې خبر ورکړی دی. ټاکل شوې چې د اوور ۵۰ کرکټ نړیوال جام د ۲۰۲۷ کال د جنورۍ له ۲۳مې څخه د فبرورۍ تر ۷مې پورې د هند په حیدراباد دکن ښار کې ترسره شي. د یادونې وړ ده چې پاکستان په ۲۰۲۵ کال کې په سریلانکا کې د اوور ۵۰ کرکټ نړیوال جام ګټلی و او د سیالیو اتلولي یې خپله کړې وه.