سهیل اپریدي د مذاکراتو د مسودې منظوري له افغانستان څخه اخیسته: طارق فضل چوهدري

کوټه (وېب نیوز) د پارلماني چارو وفاقي وزیر طارق فضل چوهدري ادعا کړې چې د خیبر پښتونخوا پخواني اعلیٰ وزیر سهیل اپریدي د مذاکراتو د مسودې منظوري له افغانستان څخه اخیسته. نوموړي له یوه خصوصي ټلوېزیون سره په خبرو کې وویل چې د وزیراعظم په لارښوونه مذاکرات پیل شوي وو او هیله یې لرله چې مثبتې پایلې به ولري. د هغه په وینا، د مذاکراتو پر مهال څلورم مسوده چمتو شوې وه چې منظوري یې د خیبر پښتونخوا له اعلیٰ وزیر څخه اخیستل کېده، خو داسې اطلاعات وو چې سهیل اپریدي یې منظوري له افغانستان څخه ترلاسه کوله. طارق فضل چوهدري وویل چې د محمود اڅکزي په اړه هم رسنیو کې خبرونه خپاره شوي وو او هغه د تحریک انصاف د بنسټګر عمران خان له لیدنې پرته د نورو پرمختګونو امکان نه درلود. نوموړي زیاته کړه چې په مذاکراتو کې د لیدنې لپاره ټاکلی وخت او د حل یوه عملي لاره موجوده وه؛ که هغه مهال ستونزې هوارې شوې وای، نو ښايي اوسني حالات به بدل وو. هغه ادعا وکړه چې که تحریک انصاف له اسمبلۍ څخه د استعفا پرېکړه وکړي، نو ۴۰ غړي به استعفاوې ورنه کړي.