د هرمز تنګي کې دوو تېل وړونکو بېړیو اور واخیست، ایران د سمندري ماین خبره کوي

کوټه(وېب نیوز)د ایران د پاسداران انقلاب سمندري ځواک ادعا کړې چې د هرمز تنګي له لارې د تېرېدو هڅه کوونکې دوه تېل وړونکې بېړۍ له سمندري ماین سره تر ټکر وروسته اور اخیستې دي. د ایراني چارواکو په وینا، دواړو بېړیو خپل د تګ راتګ او پېژندنې سیستمونه بند کړي وو او د ټاکل شوې لارې پر ځای یې د یوې غیر مجازې لارې د کارولو هڅه کوله. چارواکو د بېړیو نومونه او د پېښې نور جزییات نه دي خپاره کړي.