ایران د هرمز تنګي د خلاصولو مشروط وړاندیز امریکا ته وکړ

کوټه (ویب نیوز) ایران امریکا ته وړاندیز کړی چې د اوو ورځو په موده کې به د هرمز تنګی د ځینو شرطونو په پوره کېدو سره پرانیزي. د رویټرز او جاپانۍ خبري اژانس کیوډو د ایراني چارواکو په حواله ویلي چې که امریکا د ایران پر سمندري حدودو لګېدلې محاصره پای ته ورسوي، نو ایران کولی شي په یوه اوونۍ کې د هرمز تنګی پرانیزي. ایراني چارواکو ویلي چې دغه وړاندیز د منځګړو له لارې امریکا ته رسول شوی دی. جاپانۍ خبري اژانس دا اقدام له واشنګټن سره د خبرو د بیا پیل لپاره د تهران د چټکو دیپلوماتیکو هڅو په توګه بللی دی.