په ایتنز کې چاودنه، د ۴ امریکایانو په ګډون ۶ کسان ووژل شول

کوټه (ویب نیوز) د یونان په پلازمېنه ایتنز کې د تاریخي سیمې پلاکا په یوه استوګنیزه ودانۍ کې د چاودنې له امله ودانۍ ونړېده او ۶ کسان ووژل شول، چې ۴ یې امریکايي وګړي دي. د بهرنیو رسنیو په وینا، له چاودنې مخکې په سیمه کې د ګازو د بوی احساسېدو راپورونه ورکړل شوي وو او په لومړنیو څېړنو کې د ګاز لیک د چاودنې احتمالي لامل بلل شوی دی. ژغورونکو د نړېدلې ودانۍ له خاورو څخه مړي را وایستل او د نورو کسانو د موندلو لپاره یې د لټون عملیات ترسره کړل، په داسې حال کې چې پولیسو سیمه محاصره کړې او پلټنې یې پیل کړې دي.