په مستونګ کې د مدینې هوټل د چاودنې له امله ویجاړ، نږدې دوکان او سولر پلیټونه هم زیانمن

مستونګ(ویب نیوز) د مستونګ ولسوالۍ د تحصیل خډکوچې په رېکي بوز سیمه کې د چاودنې له امله مدینه هوټل په بشپړه توګه ویجاړ شوی، په داسې حال کې چې نږدې پرچون دوکان او ګڼ شمېر سولر پلیټونه هم زیانمن شوي دي. پولیس وايي چې د چاودنې له امله د نږدې کورونو د کړکیو ښیښې هم ماتې شوې، خو د مرګ ژوبلې راپور نه دی ورکړل شوی. چارواکو سیمه محاصره کړې او د پېښې شواهد یې راټول کړي دي، په داسې حال کې چې د چاودنې د نوعیت او لامل معلومولو لپاره پلټنې روانې دي. د ځايي سرچینو په وینا شاوخوا ۲۵۰ سولر پلیټونه هم زیانمن شوي دي.