په کوټه کې د این سی سی آئی اےعملیات، د درغلۍ په تور یو کس ونیول شو

کوټه(ویب نیوز) د ملي سایبري جرمونو د پلټنې ادارې (این سی سی آئی اے) د کوټې څانګې د هزار ګنجي په سیمه کې د عملیاتو پر مهال د ادعا له مخې په سایبري جرمونو او درغلۍ کې د لاس لرلو په تور سید عصمت الله نیولی دی. د چارواکو په وینا، عملیات د ۱۵۸/۲۰۲۶ شمېرې مقدمې پر بنسټ ترسره شوي چې د پاکستان ټیلی کمیونیکیشن ادارې په کې مدعي ده. د عملیاتو پر مهال ۱۶ د بایومیټریک تصدیق سیستم دستګاوې، ګڼ ګرځنده ټیلیفونونه، په زیاته کچه سیم کارتونه او ۴ لپټاپونه ترلاسه شوي دي. د این سی سی آئی اے په وینا، د تورن کس پر ضد د پاکستان د جزا قانون د ۴۲۰ مادې او نورو اړوندو مادو له مخې قانوني چارې روانې دي او نورې پلټنې هم کېږي.