د فزیک نوبل جایزه د کایناتي نیوټرینو موندونکي امریکايي ساینسپوه په نوم

کوټه (وېب نیوز) د سویډن شاهي علومو اکاډمۍ اعلان کړی چې د ۲۰۲۶ کال د فزیک نوبل جایزه به امریکايي ساینسپوه فرانسس هالزن ته د «آیس کیوب نیوټرینو څارځای» په برخه کې د پرېکنده خدمتونو او له ستوریزو سرچینو څخه د ډېرې لوړې انرژۍ لرونکو نیوټرینو ذراتو د موندنې له امله ورکړل شي. فرانسس هالزن د ویسکانسن مېډیسن پوهنتون استاد او د لومړنیو ذروي فزیک د انستیتیوت مشر دی. نیوټرینو ډېر واړه او په سختۍ موندل کېدونکي ذرات دي چې په کایناتو کې له بېلابېلو سرچینو څخه رامنځته کېږي، او د دغو ذراتو څېړنه ساینسپوهانو ته د کایناتو د لرې او ځواکمنو پېښو په اړه د معلوماتو ترلاسه کولو زمینه برابروي. سږ کال د نوبل جایزې ټولیزه مالي اندازه ۱۲ میلیونه سویډني کرونه ده چې شاوخوا ۱.۲ میلیونه ډالره کېږي. د نوبل جایزو رسمي مراسم به د ډسمبر په ۱۰مه د سویډن په پلازمېنه سټاکهولم کې ترسره شي.