له دوو اوونیو وروسته د ریاض هوايي ډګر الوتنې بېرته پیل شوې، حوثیانو د نوو بریدونو ګواښ کړی

کوټه(ویب نیوز) د سعودي عربستان د پاچا خالد نړیوال هوايي ډګر اعلان کړی چې د اکتوبر له ۲۵مې نېټې څخه کورنۍ او نړیوالې الوتنې بېرته پیل شوې دي. په اکتوبر کې د حوثیانو له بریدونو وروسته د هوايي ډګر عملیات اغېزمن شوي وو. د الوتنو د بیا پیل له اعلان سره سره، د حوثیانو پوځي ویاند یحیی سریع هوايي ډګر ناامنه او پوځي هدف بللی او د نورو بریدونو ګواښ یې کړی دی. د سعودي ملکي دفاع هم د ریاض اوسېدونکو ته د احتمالي خطر په اړه خبرداری ورکړی دی.