امنیتي شنونکي عامر رانا د سولې مطالعاتو له پاکستان انسټیټیوټ څخه استعفا وکړه

کوټه(وېب نیوز)د پاکستان امنیتي شنونکي، څېړونکي او لیکوال محمد عامر رانا اعلان کړی چې د سولې مطالعاتو له پاکستان انسټیټیوټ (پپس) څخه یې استعفا کړې ده. نوموړي پر ټولنیزو رسنیو څرګنده کړې چې له دې وروسته به یې لیکنې او څرګندونې شخصي نظرونه وي او د ادارې دریځ به نه ګڼل کېږي. عامر رانا د یاد انسټیټیوټ بنسټګر دی او له تېرو دوو لسیزو راهیسې د ترهګرۍ، افراطیت او ملي امنیت په اړه څېړنې او شننې کوي. د هغه د استعفا په اړه د خبریالانو او څېړونکو بېلابېل غبرګونونه څرګند شوي دي.