سعودي ائتلاف په ختیځه سیمه کې د ډرون د نسکورولو ادعا وکړه

کوټه(وېب نیوز)د سعودي عربستان په مشرۍ پوځي ائتلاف ادعا کړې چې د شنبې په سهار یې د هېواد په تېلو بډایه ختیځه سیمه کې یو ډرون له منځه وړی دی. دغه سیمه د سعودي عربستان مهم اقتصادي مرکز ګڼل کېږي، چې د تېلو او ګازو سترې زېرمې او د ارامکو شرکت مرکزي دفتر پکې موقعیت لري. د راپور له مخې، په وروستیو اوونیو کې پر دې سیمه څو ځله بریدونه شوي دي.