فیلډ مارشل عاصم منیر سره په دوامداره اړیکه کې یو، د ایران له لوري د معاهدې تمه شته: مارکو روبیو

واشنګټن (نړیوال ډیسک)د امریکا د بهرنیو چارو وزیر مارکو روبیو ویلي چې هغه د فیلډ مارشل سید عاصم منیر سره په دوامداره اړیکه کې دی او تمه لري چې له ایران سره معاهده وشي.هغه په سویډن کې خبریالانو ته وویل چې د ایران او امریکا ترمنځ په خبرو کې پاکستان د منځګړیتوب مهم رول لري او ډیپلوماټیکې هڅې روانې دي.مارکو روبیو زیاته کړه چې د امریکا لومړیتوب له ایران سره معاهده کول دي څو د سیمې کړکېچ کم شي، او د هرمز تنګي د بیا پرانیستلو هڅې هم روانې دي.هغه وویل چې امریکا “پلان بي” هم لري او ایران ته د اټومي وسلو اجازه نه ورکوي، او د ملګرو ملتونو پلیټ فارم هم د دې لپاره کاروي.