د پکتیا د مهاجرینو ټاون په ترمیمي پلان کې ۹۵۵ نوي استوګنیز پلاټونه شامل شول

کابل (وېب نیوز) د افغانستان د ښار جوړونې او کور جوړولو وزیر مولوي نجیب الله حیات حقاني د پکتیا ولایت د مهاجرینو ټاون ترمیمي پلان منظور کړی چې له مخې یې ۹۵۵ نوي استوګنیز پلاټونه شامل شوي دي. د وزارت په وینا دا پلان د راستنېدونکو مهاجرینو دایمي میشتېدو، د ښاري اسانتیاوو د ښه والي او منظم استوګنیز جوړښت لپاره جوړ شوی دی. په دې پلان کې سړکونه، شنه ساحې، تعلیمي او روغتیايي مرکزونه او نورې بنسټیزې اسانتیاوې هم شاملې شوې دي څو یوه عصري او منظم کلی جوړ شي.