په سرانان بازار کې د ډرون د مبینه بريد او ۱۲ ټپيانو غیر تصدیق شوې راپورونه

کوټه (وېب نیوز)د سرانان بازار څخه د مبینه ډرون بريد او سختو ډزو راپورونه ترلاسه شوي، چې له امله یې په سیمه کې ویره او اندېښنه خپره شوې ده. د ځايي سرچینو په وینا، د لومړنیو معلوماتو له مخې د ټپیانو شمېر ۱۲ ته رسېدلی او ټپیان د لومړنۍ درملنې وروسته د نورو درملنو لپاره کوټې ته لېږدول کېږي. خو تر اوسه د پېښې د نوعیت، د ټپیانو د کره شمېر او نورو جزئیاتو په اړه د حکومتي ادارو له خوا هېڅ رسمي او خپلواکه تایید نه دی شوی، نو ځکه ترلاسه شوي معلومات لا هم غیر تصدیق شوي دي او په شمېرو کې د بدلون امکان شته.