ايران له ۴۷ کلونو راهيسې له امريکا او نړيوالې ټولنې سره لوبې کوي، ټرمپ

په يوه بيان کې نوموړي وويل چې ايران له امريکا او نورې نړۍ سره لوبې کوي او دا لوبه له ۴۷ کلونو راهيسې روانه ده۔هغه وويل، ايران هغه وخت لويه بريا ترلاسه کړه کله چې Barack Obama د امريکا ولسمشر وټاکل شو، ځکه چې د هغه د تهران په اړه نرم دريځ درلود او آن د ايران په ګټه ولاړ و۔ډونلډ ټرمپ زياته کړه چې پخواني ولسمشر اوباما اسرائيل او نور متحدين هم له پامه وغورځول او ايران ته يې بيا د ځواک او استحکام ترلاسه کولو ستر فرصت برابر کړ۔د هغه په وينا، د اوباما د واکمنۍ پر مهال سلګونه اربه ډالره او ۱٫۷ اربه ډالره نغدې پيسې د الوتکو له لارې تهران ته ولېږدول شوې۔د امريکا ولسمشر دا هم وويل چې هغه وخت د واشنګټن ډي سي، ورجينيا او مېري لينډ هر بانک تش شوی و، ځکه دا دومره لويه اندازه پيسې وې چې کله ايران ته ورسېدې، نو ايرانيان هم نه پوهېدل چې له دغو پيسو سره څه وکړي۔