فیفا د نړیوال جام د پایلوبې د پېښو پلټنې پیل کړې، ارجنټاین ته د جریمې امکان

کوټه (ویب نیوز) فیفا د نړیوال جام د پایلوبې له پای وروسته د رامنځته شویو ناخوښو پېښو په اړه د ارجنټاین پر ضد د انضباطي پلټنو پرېکړه کړې ده. د برتانوي رسنیو د راپور له مخې، د دې قضیې د څېړنې لپاره ځانګړی انضباطي او اخلاقي څارنوال ټاکل شوی دی. راپور زیاتوي، که کوم لوبغاړی یا د روزنې ډلې غړی د مقرراتو د سرغړونې مسؤل وپېژندل شي، نو د بندیز سره مخ کېدای شي، او د ارجنټاین د فوټبال اتحادیې پر ضد د مالي جریمې امکان هم شته. ویل کېږي چې د پایلوبې له ختمېدو وروسته د ارجنټاین د لوبغاړو او روزنیز پلاوي ځینو غړو د اسپانیا له لوبغاړو سره لفظي شخړه او لاس اچونه کړې وه، او د انګلستان پر ضد د نیمه پایلوبې وروسته د سیاسي بینر پورته کولو موضوع هم د پلټنو برخه ده.