په سراوان هاوس کې د سیاسي مشرانو لیدنه، د بلوچستان پر ستونزو او پرمختیایي چارو خبرې

کوټه (وېب نیوز) د بلوچستان پخواني وزیر اعلیٰ نواب اسلم رئیساني په سراوان هاوس کې د یوې مهمې سیاسي مشورتي غونډې کوربه توب وکړ چې پکې صوبایي وزیر سردار عبدالرحمن کهتران، د صوبایي اسمبلۍ غړي میر ظفرالله زهري او طور اتمانخېل ګډون وکړ. په دې لیدنه کې د بلوچستان پر عمومي سیاسي وضعیت، ولسي ستونزو، پرمختیایي پروژو، تعلیم، روغتیا، روزګار او بنسټیزو اسانتیاوو په اړه تفصیلي خبرې وشوې. ګډونوالو ټینګار وکړ چې د صوبې د ستونزو د حل او د ولسي هوساینې لپاره د سیاسي قوتونو ترمنځ همغږي، مشوره او ګډ کار خورا مهم دی.