مچھ کې د استخباراتي عملیاتو پر مهال ۵ شکمن وسله وال وژل شوي

راولپنډۍ/کوټه (وېب نیوز) د بلوچستان د کچي ولسوالۍ د مچھ په دښت سياه‌پشت سیمه کې امنیتي ځواکونو د استخباراتي معلوماتو پر بنسټ عملیات ترسره کړي، چې پکې پنځه شکمن وسله وال وژل شوي دي. د پاکستان پوځ د عامه اړیکو ادارې په وینا، د وسلوالو د موجودیت د اطلاع وروسته امنیتي ځواکونو هدفي عملیات وکړل او د دواړو خواوو ترمنځ سخته نښته وشوه. په اعلامیه کې ویل شوي چې وژل شوي کسان له یوې وسلوالې ډلې سره تړاو درلود. امنیتي ځواکونو په غرنیو سیمو کې د مشکوکو پټنځایونو لټون هم ترسره کړی او د سیمې د بشپړ پاکولو عملیات لا هم روان دي. چارواکو ویلي چې د وژل شویو کسانو د هویت، احتمالي وسلو او نورو جزئیاتو په اړه به معلومات د پلټنو تر بشپړېدو وروسته خپاره شي، او له خلکو یې غوښتي چې د هر ډول شکمن فعالیت په اړه امنیتي ادارو ته سمدستي خبر ورکړي.