د مانګي ډیم پېښې د رڼو پلټنو لپاره دې خپلواک عدالتي کمېسیون جوړ شي، آل پارټیز کیچ

تربت (وېب نیوز) آل پارټیز کیچ د زیارت د مانګي ډیم پر سیمه د پولیسو پر کاروان شوی ترهګریز برید په سختو ټکو وغنده او د شهیدانو کورنیو سره یې ژوره خواخوږي څرګنده کړه. د ګوند ویاند غوښتنه وکړه چې د پېښې د رڼو، بې پرې او اغېزمنو پلټنو لپاره دې یو خپلواک او بااختیاره عدالتي کمېسیون جوړ شي او د شهیدانو د وارثانو ټول جائز مطالبات دې ژر تر ژره ومنل شي. نوموړي اعلان وکړ چې د جولای په ۱۵مه به د تربت پرېس کلب مخې ته سوله ییز احتجاج ترسره شي.