قلات کې پر مسافر وړونکي کوچ ډزې، یوه ښځه ټپي شوه

قلات(ویب نیوز) د قلات ولسوالۍ د ګډان هوټل ته نږدې نامعلومو وسله‌والو د کوټې څخه تربت ته پر روان المنیر مسافر وړونکي کوچ ډزې وکړې، چې له امله یې ۲۵ کلنه مېرمن شاندار ګل ټپي شوه. پېښه د سهار شاوخوا ۱۱ بجې رامنځته شوې او ټپي شوې ښځه د بېړنۍ درملنې لپاره د سوراب ملکي روغتون ته ولېږدول شوه. ادارې او امنیتي ځواکونو د پېښې پلټنې پیل کړې او د بریدګرو د نیولو هڅې روانې دي.