د ایران په جګړه کې د امریکا د بریدونو له امله د جنګي جرمونو شواهد، ملګري ملتونه

کوټه(ویب نیوز) د ملګرو ملتونو د بشري حقونو تر چتر لاندې د ایران په اړه خپلواک حقیقت موندونکي ماموریت په خپل نوي راپور کې ویلي چې په ایران کې د امریکا د پوځي عملیاتو په تړاو د جنګي جرمونو په کچه د پېښو د رامنځته کېدو معقول شواهد موندل شوي دي. د راپور له مخې، د روان کال د فبرورۍ په ۲۸مه د جګړې په لومړۍ ورځ د ایران د میناب ښار د شاجَرې طیبه لومړنی نجونو ښوونځی او د فارس ولایت د لامرد ښار یو ورزشي کمپلېکس په نښه شوي وو. ماموریت ویلي چې د دغو بریدونو څرنګوالی او شرایط د نړیوال بشري قانون له مخې د لا زیاتو څېړنو غوښتنه کوي.