په طائف کې د حوثیانو ډرون برید شنډ، د پاتې شونو د لوېدو له امله یمنی وګړی وژل شوی، پاکستانی ټپي

کوټه(ویب نیوز) د سعودي عربستان په طائف ښار کې په هوا کې د یوه له منځه وړل شوي ډرون پاتې شوني د لوېدو له امله یو یمنی وګړی وژل شوی او دوه کسان ټپیان شوي، چې یو پاکستانی وګړی هم پکې شامل دی. د سعودي د ملکي دفاع ادارې په وینا، ډرون په هوا کې له منځه وړل شوی و، خو پاتې شوني یې پر طائف ښار لوېدلي چې له امله یې څو ودانیو او موټرو ته زیان رسېدلی دی. د سعودي رسمي خبري اژانس په وینا، یاد ډرون د حوثیانو له خوا توغول شوی و او د ټپي شوي پاکستاني وګړي روغتیايي وضعیت د اندېښنې وړ ښودل شوی دی. د دویم ټپي کس د تابعیت په اړه معلومات نه دي ورکړل شوي. چارواکو ویلي چې له پېښې وروسته بېړني او امنیتي اقدامات پلي شوي او د وضعیت او اوښتو زیانونو ارزونه روانه ده.