کوټه: د قمبراني سړک کیچي بېګ په یوه کور کې چاودنه، ۲ مړي وموندل شول

کوټه(ویب نیوز) د کوټې ښار د قمبراني سړک کیچي بېګ په سیمه کې د یوه کور دننه چاودنه شوې، چې له امله یې له کور څخه د دوو کسانو مړي او یوه ویجاړه شوې موټرسایکل موندل شوې ده. د پولیسو په وینا، ښايي چاودنه هغه مهال شوې وي چې پر موټرسایکل د بم لګولو هڅه کېده. د پېښې د نورو پلټنو لپاره بم شنډولو ډله غوښتل شوې او پولیسو د پېښې له ځایه د شواهدو راټولول پیل کړي دي. د چاودنې د نوعیت او د وژل شویو کسانو د هویت په اړه نور معلومات ترلاسه کېږي.