له قطري او پاکستاني منځګړو سره مشورې روانې دي، خپلې غوښتنې مو رسولې دي: محسن رضايي

کوټه(ویب نیوز) د ایران د سپریم ملي امنیت شورا سکرتر محسن رضايي ویلي چې له قطري او پاکستاني منځګړو سره مشورې روانې دي او ایران له امریکا سره د خبرو لپاره خپلې غوښتنې منځګړو ته رسولې دي. هغه عربي رسنیو ته ویلي چې له هغې جګړې څخه د وتلو لپاره چې د ده په وینا د نتنیاهو له لوري پیل شوې، د ایران د غوښتنو منل به د واشنګټن په ګټه وي. محسن رضايي ویلي چې ایران پرېکنده جګړې ته چمتو دی او د ټرمپ ګواښونه به پایله ونه لري. نوموړي زیاته کړې چې ایران د امریکايي پوځ له کمزوریو خبر دی او د هوايي بریدونو د مقابلې لپاره تر پخوا ډېر چمتو دی. هغه خبرداری ورکړ چې پر ایران د برید په صورت کې به په سیمه کې امریکايي اډې او د واشنګټن ګټې په لا ډېر ځواک سره په نښه شي. محسن رضايي ویلي چې ایران غواړي د سعودي عربستان او یمني حوثیانو ترمنځ جګړه پای ته ورسېږي او داسې ښکاري چې حوثیان هم له سعودي عربستان سره د تړون غوښتونکي دي.