په ایران کې په یوه وخت د ښځو دوه بېلابېل لاریونونه د پام وړ وګرځېدل

کوټه(ویب نیوز) په ایران کې په یوه وخت د ښځو دوه بېلابېل لاریونونه د پام وړ وګرځېدل. د پلازمېنې تهران په ولایت پارک کې ښځو په ۱۰ کیلومتره منډه کې ګډون وکړ چې ځینو ښځو خپل ویښتان خلاص کړي وو، په داسې حال کې چې د ښځو او نارینه‌وو لپاره جلا سیالۍ ترسره شوې. بل لوري ته د «جان فدایان» په لاریون کې حجاب لرونکو ښځو د حکومت او جګړه‌ییزو هڅو په ملاتړ لاریون وکړ. په دې لاریون کې د سپاه پاسداران انقلاب، بسیج او رضاکارانو د هېواد د دفاع لپاره د چمتووالي ژمنه وکړه او د ایران ولسمشر مسعود پزشکیان هم ګډون وکړ.