نیشنل ګوند په خیبر پښتونخوا کې د ګورنر راج او ایمرجنسي مخالفت وکړ

کوټه (وېب نیوز) د نیشنل ګوند مرکزي ویاند په خیبر پښتونخوا کې د ګورنر راج او ایمرجنسي لګول وغندل او ویې ویل چې د منتخب حکومت لرې کول د وفاقي ولسواک نظام لپاره خطرناکه بېلګه جوړولای شي. نوموړي وویل چې د حکومتونو واک د خلکو له رایو سره تړلی دی او سیاسي اختلافات باید د خبرو اترو او پارلماني بهیر له لارې حل شي. نیشنل ګوند د وفاقي واحدونو د اساسي حقونو، صوبایي خپلواکۍ او د خلکو د مینډېټ پر درناوي ټینګار وکړ.