د لائبې ستار د مبینه تښتونې نوټس، په ۲۴ ساعتونو کې د راپور غوښتنه

کوټه (وېب نیوز) د بلوچستان د کورنیو چارو وزیر میر ضیاالله لانګو په قلات کې د لائبې ستار د مبینه تښتونې پېښې نوټس اخیستی او له اړوندو چارواکو یې په ۲۴ ساعتونو کې د تفصیلي راپور غوښتنه کړې ده. د وزیر د کورنیو چارو مرستیال بابر یوسفزي ویلي، د قلات ډویژن د پولیسو مرستیال مشر، مرستیال کمېشنر او د ضلعې د پولیسو مشر ته لارښوونه شوې چې د پېښې ټول اړخونه وڅېړي، حقایق روښانه کړي او د قضیې قانوني تعقیب په اغېزمن ډول وکړي. هغه ویلي، د خلکو، په ځانګړي ډول د ښځو خوندیتوب د حکومت له مهمو لومړیتوبونو څخه دی.