د پټرولو په بیه کې پر لیټر ۳ روپۍ او ۹۳ پېسې کموالی، نوې بیه ۳۸۶ روپۍ او ۳۰ پېسې شوه

کوټه (وېب نیوز) حکومت د نفتي توکو په بیو کې د بدلون اعلان کړی او د پټرولو بیه یې پر لیټر ۳ روپۍ او ۹۳ پېسې کمه کړې ده، خو د لوړ سرعت ډیزلو بیه پر خپل پخواني نرخ ساتل شوې ده. د اوګرا د خبرتیا له مخې، د پټرولو نوې بیه پر لیټر ۳۸۶ روپۍ او ۳۰ پېسې ټاکل شوې، په داسې حال کې چې د لوړ سرعت ډیزلو بیه پر لیټر ۳۹۶ روپۍ او ۹۶ پېسې پاتې ده. د راپور له مخې، د نویو بیو د عملي کېدو موده د اکتوبر تر ۱۹مې نېټې پورې ده.