په لوبډله کې پر ګڼو پلانونو خبرې شوې دي، ټول یې نه شوای ویلی: فخر زمان

کوټه (وېب نیوز) د پاکستان کرکټ لوبډلې تېز توپوهونکي فخر زمان ویلي، چې په لوبډله کې پر ګڼو پلانونو او تګلارو خبرې شوې دي، خو ټول پلانونه له خلکو سره نه شي شریکولای. نوموړي په راولپنډۍ کرکټ لوبغالي کې یوې خبري غونډې ته وویل، پاکستان له څو کلونو راهیسې کومه ستره سیالي نه ده ګټلې، که څه هم لوبډله پایلوبو او نیمه پایلوبو ته رسېدلې ده؛ اوس یې ټول پام نړیوال جام ته دی او د همدې هدف لپاره د لوبډلې مناسب ترکیب جوړېږي. فخر زمان وویل، لوبغاړو په دې وروستیو کې فرسټ کلاس کرکټ کړی، چې د هغوی په ذهني او فزیکي پیاوړتیا کې مرسته کوي، او د سور توپ کرکټ تر لوبولو وروسته یو ورځنۍ سیالۍ نسبتاً اسانه ښکاري. د نوموړي په وینا، کورنی او نړیوال کرکټ څرګند توپیر لري او هر لوبغاړی غواړي ښه کارکردګي وکړي، خو هره ورځ غوره لوبه کول ممکن نه وي. هغه زیاته کړه، درې اړخیزه یو ورځنۍ سیالي به د نړیوال جام د چمتووالي او د لوبډلې د مناسب ترکیب په جوړولو کې مرسته وکړي، او یو ورځنی کرکټ یې د خوښې بڼه ده.