په کوټه او شاوخوا سیمو کې د زلزلې سخت ټکانونه، شدت ۵.۹ ثبت شوی

کوټه(وېب نیوز)د بلوچستان په مرکز کوټه او نږدې سیمو کې د زلزلې سخت ټکانونه محسوس شوي چې له امله یې د خلکو ترمنځ وېره خپره شوې ده. د زلزلې د څار مرکز په وینا، د رېکټر په کچه د زلزلې شدت ۵.۹ ثبت شوی دی. د ټکانونو پر مهال خلک د کلمې طیبې په ویلو له کورونو، دوکانونو او ودانیو څخه بهر راووتل او په خلاصو ځایونو کې راټول شول. چارواکو اړوند ادارې خبر کړې او د احتمالي ځاني او مالي زیانونو د معلوماتو راټولولو بهیر یې پیل کړی دی. د لومړنیو معلوماتو له مخې، د لوی زیان راپور نه دی تایید شوی.