په بلوچستان کې د اوړو د بیو لوړوالی، د احتکارګرو پر ضد د اقدام غوښتنه

کوټه (وېب نیوز) جمعیت علمای اسلام بلوچستان په کوټه او د صوبې په نورو سیمو کې د اوړو د بیو پرله‌پسې لوړوالي او مصنوعي کمښت اندېښمنه کړې او له حکومته یې د بېړنیو اقداماتو غوښتنه کړې ده. د ګوند د اطلاعاتو څانګې په بیان کې ویل شوي چې د خوراک اداره او ضلعي انتظامیه د عملي اقداماتو پر ځای په غونډو او کاغذي چارو بوخت دي، خو احتکارګر او ناجایزه ګټه اخیستونکي د خلکو ستونزې زیاتوي. جمعیت علمای اسلام د اوړو د بیو د ثابتولو، د مصنوعي کمښت جوړوونکو پر ضد د بې‌طرفه عملیاتو او بېوزلو کورنیو ته د مرستې غوښتنه کړې ده.