د ژمي تر پیل مخکې دې د ګاز د بندښت او کم فشار ستونزه حل شي، جماعت اسلامي

کوټه (وېب نیوز) د جماعت اسلامي بلوچستان مرستیال مشرانو ډاکټر عطاالرحمن او حافظ نور علي غوښتنه کړې چې د ژمي له سختېدو مخکې دې په کوټه او د بلوچستان په سړو سیمو کې د ګاز د بندښت او کم فشار ستونزه حل شي. هغوی له وزیراعلیٰ میر سرفراز بګټي او د سوئي سدرن ګاز شرکت له چارواکو غوښتي چې له فدرالي حکومت سره په اړیکه کې د ګاز پرله‌پسې رسونه او مناسب فشار یقیني کړي.