مولانا فضل الرحمن زموږ لپاره سره کرښه ده، حکومت دې له خپلو حدودو نه تېرېږي، کامران مرتضیٰ

کوټه (وېب نیوز) د جمعیت علمای اسلام مشر کامران مرتضیٰ اېډوکېټ د مولانا فضل الرحمن پر استوګنځي د شپې ناوخته د اسلام آباد پولیسو د ورتګ او د هغه د کورنۍ د غړو د مبینه ځورونې غندنه کړې او ویلي یې دي چې حکومت دې په خپلو حدودو کې پاتې شي. هغه په خپل بیان کې ادعا کړې چې پولیسو د مولانا فضل الرحمن د کورنۍ غړو ته یوه نامربوطه ویډیو ښودلې او وېره یې ور اچولې، په داسې حال کې چې ویډیو د هغه د استوګنځي د کوڅې نه وه. نوموړي له حکومته غوښتنه کړې چې د پېښې تر شا کسان څرګند کړي، د مسؤلینو پر ضد قانوني اقدام وکړي او د مولانا فضل الرحمن او د هغه د کورنۍ امنیت یقیني کړي.