د متحد اپوزیشن غونډه، په نومبر کې د ټولو ګوندونو کنفرانس جوړولو پرېکړه

کوټه (وېب نیوز)د مولانا فضل الرحمان په کور کې د متحد اپوزیشن په غونډه کې د هېواد پر سیاسي، اساسي او اقتصادي وضعیت، د عمران خان پر روغتیا او بند، د سیاسي فعالانو او منتخب استازو پر نیونو، په خیبر پښتونخوا کې د ګورنر راج پر احتمال او د بلوچستان په ګډون په بېلابېلو سیمو کې د امنیت پر وضعیت خبرې وشوې. غونډې پرېکړه وکړه چې د نومبر په میاشت کې به د ټولو ګوندونو کنفرانس جوړېږي او د اپوزیشن ګوندونو ترمنځ د اړیکو لپاره به کمېټۍ جوړېږي. ګډونوالو غوښتنه وکړه چې عمران خان دې د درملنې لپاره الشفا نړیوال روغتون ته ولېږدول شي، سیاسي بندیان دې خوشې او په مبینه توګه ورک شوي منتخب استازي دې بېرته راپیدا شي. په اعلامیه کې د اساسي قانون د برلاسۍ، د پارلمان د خپلواکۍ، د صوبو د حقونو او د خلکو د مینډېټ د ساتنې لپاره د ګډې مبارزې پر دوام ټینګار شوی دی.