په اسرائیل کې د حکومت جوړولو لپاره ګادي آیزنکوټ مخکښ شوی

کوټه (ویب نیوز)په اسرائیل کې د نوي حکومت د جوړولو لپاره د سیاسي مشورو پر مهال د اپوزېسیون مشر ګادي آیزنکوټ پر وزیراعظم بنیامین نتنیاهو مخکښ شوی دی. د اسرائیلي رسنیو د راپورونو له مخې، له ولسمشر اسحاق هرزوګ سره د مشورو پر مهال د پارلمان ۶۷ غړو سپارښتنه کړې چې آیزنکوټ ته دې د حکومت جوړولو لومړی فرصت ورکړل شي، په داسې حال کې چې د نتنیاهو په ملاتړ ۴۶ غړو نظر څرګند کړی دی. د عربو ګوندونو اتحاد «جوائنټ لېسټ» هم د آیزنکوټ ملاتړ اعلان کړی او تمه ده چې ولسمشر به هغه ته د نوي حکومت د جوړولو بلنه ورکړي.