په هرنايي کې د روغتیا څلور ورځنی روزنیز پروګرام بشپړ شو

هرنايي (وېب نیوز) د انډس روغتون او روغتیايي شبکې او د روغتیا ادارې په ګډه په هرنايي کې د ټولنې د ناروغانو د مدغم مدیریت یا آی سي سي اېم څلور ورځنی روزنیز پروګرام بشپړ کړی دی. د پای غونډې مشري د هرنايي مرستیال کمېشنر ارشد حسین جمالي کوله. په پروګرام کې د ملاریا، نري رنځ، اېچ آی وي او اېډز د تشخیص او درملنې او ماشومانو ته د واکسینونو د رسولو پر پیاوړتیا تمرکز وشو. مرستیال کمېشنر ویلي چې په ولسوالۍ کې به د واکسین پروګرام لا فعال شي او هڅه به وشي چې هر ماشوم واکسین ترلاسه کړي. د روزنې بشپړوونکو ګډونوالو ته سندونه هم ورکړل شول.